ادري يا حبيبي من ورى عيني تخووون

أَدْري وَالله يَـا حبيبي مِـن وَرى عيـني تخون
لا تِظِـن إنِّك مِكَـذِّبْ .. لا تِصَدِّقهَـا ظِنونك

ومِن يُقول آنا أحِبـك وقلبي عايش لِك يصون
آنـا مثلك يا حَبيبـي مِن وَرى عِينك أَخونك

هَـان قلبـي في عُيونِك و هَم بَعَد قلبِك يُهون
عِشت أيَّامِـك بِدُونِـي و عِشت أيَّامِي بدونك

دامِك تِسَمِّي الخِيَانَه في مَلفاتِك جنون
فِيني لِك مَليُون جِنِّي كِلّهُم والله يَبونك

لاتِسَوِّي لِـي حِكايَـة نُون ومَـا لا يَعلمون
يَعنِي فاهِم يَعنِي عَارف وإنتَ ضايع وسط كونك

كيف أحبك ؟ ليه أحبك ؟ وإنتَ أصلاً مِن تكون
شخص خايِن والله باين حِط عيـني في عيونك

لا تِمَثِّـل دُور عَاشِـق .. ولا تِقول إنِّك حنون
إنتَ قاسِـي إنتَ ناسِـي إسأل اللِّـي يعرفونك

أو ترى يمكِـن يكـونوا مِثلِك إنتَ يكذبون
يذكرُونِك.. يفقدُونِـك.. بالكِـذِب هُم يعشقونك

لا تِصَدِّقهُم وتَبكِي وفـي غِيابِـك يضحكون
لا تأمِّنهُـم وأحـذَر قبـل لا تبـدي طعونك

والله باكِر ما يفيدِك لا بـدَى وقت الطعون
يطعنُونِك وإنتَ شايف وإنتَ عَـايش يذبحونك

والمصيبه بَعَد مُوتِك بالكِذِب هُـم يحزنون
يدفنُونِـك .. يكرمُونِـك .. و إلاَّ يمكِن يتركونك

هِي حَياتِك وإنت كِيفِك خُون لو وِدِّك تِخون
بَس إفهَم شَي واحِـد .. والله مِن خِنته يخُون

ايه بالله صادقه يسلمووو
لاكن اللي ابي افهمه
اذا انا ماخنت يعني هم
يخونون ولا مايخونون؟؟

يسلموووووووو حلوه حيل
عاشق الي يحبك من صدق وعارف بأحساسك زين اتجاه وإذا يقدرك ماراح يخون
بس إذا هو يحب الخيانه وباين عليه لعاب بيخون حتى لوماكنت تخون Sad

العاشق الوحيد كتب:: ايه بالله صادقه يسلمووو
لاكن اللي ابي افهمه
اذا انا ماخنت يعني هم
يخونون ولا مايخونون؟؟

ربي يسلمك

ومشكوور ع مروورك الجميل

اما بنسبه لسؤالك<< متري .. بس ماتوقع راح تخون اذا حبيتو بعض بصدق..

تحياتي

سعادتي بشقاوتي كتب:: يسلموووووووو حلوه حيل
عاشق الي يحبك من صدق وعارف بأحساسك زين اتجاه وإذا يقدرك ماراح يخون
بس إذا هو يحب الخيانه وباين عليه لعاب بيخون حتى لوماكنت تخون

ربي يسلمك مروورك الحلوو

مشكووره ع المروور الجميل

وصدقتي يالغلا .....

تحياتي